کشمیرکے مسئلے کو عالمی سطح پراجا گرکرنا وقت کی اہم ضرروت ہے، مصطفی کمال
بھارت پاکستان کے پانی پر قبضہ کرکے سندھ طاس معاہدہ کی مسلسل خلاف ورزی کررہا ہے، مصطفی کمال
تحریک آزادی کشمیر کی آواز بلند کرنے پر تمام کشمیری پاک سرزمین پارٹی اور مصطفی کمال کو قدر کی نگاہ سے دیکھتے ہیں۔سردار عتیق احمد سابق آزاد کشمیر وزیر اعظم

کراچی ( )پاک سرزمین پارٹی کے چیئر مین سیدمصطفی کمال نے کہاکہ مقبوضہ کشمیرمیں بھارت کی بڑھتی ہوئی جارحیت اور آزاد کشمیر میں آبادیوں پرحملے انتہائی تشویشناک ہیں اور پی ایس پی کا مطالبہ ہے کہ کشمیرکا مسئلہ کشمیر ی عوام کی امنگوں کے مطابق حل کیا جائے پاک سرزمین پارٹی دنیا بھر میں ہر فورم پر کشمیریوں پر ہونے مظالم کو اجا گر کرے گی۔ان خیالات اظہار انہو ں نے سابق آزاد کشمیرکے وزیر اعظم اور آل پاکستان مسلم کانفرنس کے سربراہ عتیق احمد کی پاک سرزمین پارٹی کے مرکزی سیکریٹریٹ پاکستان ہاؤس میں میڈیا سے گفتگو کر تے ہوئے کیا۔ اس مو قع پر پی ایس پی کے صدر انیس قائم خانی، سیکریٹری جنرل رضا ہاورن، سینئر وائس چیئر مین ڈاکٹر صغیر احمد، سینٹرل کبنٹ کے دیگر رہنماء بھی موجود تھے۔ سید مصطفی کمال نے مزید کہاکہ پاک سرزمین پارٹی آزاد و جموں کشمیر کے عوام کے ساتھ ہے۔ کشمیر یوں کے مسائل کو عالمی سطح پراجا گرکرنا وقت کی اہم ضرروت سمجھتی ہے لیکن بد قسمتی سے موجودہ حکومت اس سلسلے میں ٹھوس اقدامات کرنے سے قاصرہے جبکہ بھارت کی آبی و سرحدی جارحیت روز بروز بڑھتی ہی جارہی ہے۔ا نہوں نے کہاکہبھارت پاکستان کے پانی پر قبضہ کرکے سندھ طاس معاہدہ کی مسلسل خلاف ورزی کررہا ہے پاکستان کے پانی کوروک کر بھارٹ نئے نئے ڈیم بنانا رہاہے اورہماری حکومت اس مسئلے کو اجاگر کرنے کے بجائے اس پر خاموشی اختیار کئے ہوئے ہیں۔ اس موقع پرسرسردار عتیق احمد خان نے کشمیری عوام کے لےئے مصطفی کمال اور ان کی جماعت کے موقف پر شکریہ ادا کر تے ہوئے کہاکہ پاک سرزمین پارٹی برطانیہ میں ایک مقبول اور بڑی پارٹی بن کر ابھری رہی ہے اور برطانیہ میں مقیم پاکستانی اور کشمیری اس میں جو ق در جوق شامل ہورہے ہیں ہم امید کر تے ہیں کہ برطانیہ میں مقیم کشمیری آزادی کیلئے جو جدوجہد کررہے ہیں پاک سرزمین پارٹی کشمیریوں کے اس جدوجہد میں ان کی معاون و مد گار ثابت ہو گی۔