پی ایس پی کراچی کیلئے آواز لگانے والوں کی حمایت کرتے ہیں،مصطفی کمال
مصطفی کمال نے بلا رنگ و نسل اور فرقہ واریت سے بالا تر ہوکر خدمات انجام دیں، مفتی نعیم
ہم اس ملین مارچ میں سید مصطفی کمال اور ان کی جماعت کی حمایت کرتے ہیں اور کراچی کے تمام علماء سید مصطفی کمال کے ساتھ ہیں، مفتی نعیم
جامع بنوریہ کے متہم مفتی نعیم سے صدر انیس قائم خانی اور وائس چیئرمین وسیم آفتاب کے ہمراہ ملاقات کے بعد میڈیا سے گفتگو

کراچی ()چیرمین پاک سرزمین پارٹی سید مصطفی کمال نے کہا ہے کہ کراچی کے مسائل کے حل کیلئے ہم نے جو 16 مطالبات کو تمام علماء کرام، وکلاء، تاجروں اور سول سوسائٹی کے پاس لیکر جائیں گے اور انہیں شرکت کی دعوت دیں گے، میں سب کو دعوت دیتا ہوں شہر کے مسائل کا حل کیلئے ہمارا ساتھ دیں، پاک سرزمین پارٹی کے تاریخی اور منفرد احتجاج کی وجہ سے پاکستان کے چھوٹی اور بڑی سیاسی و مذہبی جماعتیں کراچی کے مسائل پر دھرنا بھی دے رہی ہیں اور جلسے کر رہی ہیں، ان خیالات کا اظہار انہوں نے جامع بنوریہ کے متہم مفتی نعیم سے صدر انیس قائم خانی اور وائس چیئرمین وسیم آفتاب کے ہمراہ ملاقات کے بعد میڈیا سے گفتگو کرتے ہوئے کہی، سید مصطفی کمال نے کہا کہ سب سے پہلے مفتی نعیم کو ملین مارچ میں شرکت کی دعوت دینے کیلئے آئے ہیں اور ہم سب مفتی نعیم کے شکر گزار ہیں انہوں نے ہمیشہ ہمارے سر پر شفقت کا ہاتھ رکھا، انہوں نے کہا کہ پاک سرزمین پارٹی نے 1 سال سے زاید کی جدوجہد میں کسی کو ایک پتھر تک نہیں مارا، کراچی، پاکستان کے لوگوں کی بھلائی کیلئے ہر فورم پر آواز لگائیں گے، ہمارے آنے سے قبل اردو بولنے والوں کی ایک جماعت تھی جو کہ گزشتہ ادوار میں حکومت میں شامل رہی ہے لیکن آج ہمارے شہر کے لوگوں کے مسائل جوں کے توں ہیں، پینے کے صاف پانی، بجلی، گیس، معیاری تعلیم و ٹرانسپورٹ اور نوجوانوں کیلئے روزگار میسر نہیں، انہوں نے کہا کہ شہر کے مینڈیٹ کی دعوے دار حکمران جماعت نے ذاتی مفادات کی خاطر عوام کے مینڈیٹ کا سودا کیا اس شہر کے لوگوں کے حقوق پر ڈاکہ ڈالا گیا پیپلز پارٹی کو تمام چیزوں پر قبضہ کر کیلئے چھوٹ دی گئی اور وہی جماعت اسی پیپلزپارٹی سے اختیارات مانگ رہی ہے، انہوں نے کہا کہ ہمارے 8 مطالبات تو مخالف جماعت کے میئر کیلے ہم نے رکھے ہیں، مصطفی کمال اور پی ایس پی کراچی کیلئے آواز لگانے والوں کی حمایت کرتے ہیں، ظلم و جبر کے خلاف آواز نہ لگانے پر جواب اللہ کو دینا ہوگا آیندہ آنے والا وقت کراچی سمیت ملک کے غریب عوام کی فلاح اور بقا کا ہے، قبل ازیں مفتی نعیم نے میڈیا سے گفتگو میں کہا کہ جامعہ بنوریہ کیلئے سید مصطفی کمال نے نظامت کے دور میں گراں قدر خدمات انجام دیں ہیں اب جامعہ بنوریہ میں پانی کا مسئلہ نہیں ہوتا، ہزاروں نمازی وضو کرتے نماَر پڑھتے ہیں مصطفی کمال نے بلا رنگ و نسل اور فرقہ واریت سے بالا تر ہوکر خدمات انجام دیں کراچی کو فریق واریت اور قومیتوں کی جنگ میں دھکیلا گیا لیکن مصطفی کمال اور انیس قائم خانی نے اس شہر کے لوگوں میں سے نفرتوں کو نکالا اور بھائی کو بھائی سے ملایا انہوں نے کہا کہ کراچی کے عام عوام کو مسائل سے نجات دلوانے کی جدوجہد کا آغاز کیا ہے اور ہم اس ملین مارچ میں سید مصطفی کمال اور ان کی جماعت کی حمایت کرتے ہیں اور کراچی کے تمام علماء سید مصطفی کمال کے ساتھ ہیں